قصيدة هويس الشعر هشام الجخ : (مش كفايا)

(مش كفايا)
طياراتكم مش كفاية
والمدافع مش كفاية
والقنابل والحصار
والحرايق والدمار
والدموع فى عيون صغار
والجناين تبقى نار

مش كفاية

لو عايزِنى مرة أخضع .. غيرونى
شوفوا يمكن لو ده ينفع .. بدلونى

ولما ما تلاقوليش طريقة
واجهوا لو مرة الحقيقة
واقروا من قرآنى آية
تفهموا أصل الحكاية
إنى بضحك عل القنابل
موتة جاية وقلبى قابل
تعرفوا
إن القنابل والمدافع والشظايا
والسلاح اللى معاكو و مش معايا
مش كفاية

موتونى ألف مرة
غصب عنكم بلادى حرة

وللنهاية كلمة بكتبها بدمايا
للى يستشهد ورايا
إن ثمن الجنة ديا
لو حياتك .. مش كفاية

المصدر : http://masrstars.com/vb/showthread.php?t=243862 - masrstars.com

ممششككووررررررررررررررررر

» قصيدة هويس الشعر هشام الجخ : جحا
» قصيدة هويس الشعر هشام الجخ : (مبتحلش)
» قصيدة هويس الشعر هشام الجخ :(انسحبوا)
» قصيدة هويس الشعر هشام الجخ : (علي ذكر ال النبي)
» قصيدة هويس الشعر هشام الجخ : (البغبغان)